مشروع أجندة الشباب

مشروع أجندة الشباب

أجندة الشباب باب مفتوح لشباب/ات بلادي ليعبروا عن آمالهم وآلامهم وطموحاتهم في هذا الوطن. مساحة للتفاكر بيننا كشباب ورسم تفاصيل المستقبل بأيدينا. حتة نحدد فيها الاسباب البتخلينا ليه مغيبين وكيف نفعّل نفسنا. كيف نلعب دوراً مهماً في المجتمع وكيف نأخذ مكاناً في صنع السياسات والقرار، وكيف نساهم في رسم مستقبل بلدنا. نافذة نعرض من خلالها ابداعاتنا وانجازاتنا وتجاربنا بنجاح وفشل، لحظات سقوطنا ولحظات استجماعنا قوتنا ونهوضنا تاني من وسط الركام. ايضاً يمكن من خلال اجندتنا عرض الحاجات البنرى انو عايزنها تحصل وممكن تساهم في تطويرنا ونأشر

بالسهم على الحواجز الواقفة قدامنا ونخطط كيف نزللا. وننتقد نفسنا بصدق عشان بدون النقد ما بنقدر نعمل الحاجة الصحيحة.

بس لازم نعرف أنو انا وأنت وانتي قلب الدنيا دي. ونحن مع بعضنا قوة. وإذا حددنا أهدافنا في أجندة واضحة وقلنا نحن عايزين كده لازم الدهر يستجيب. اذاً فلنتناقش بقلب مفتوح في المساحة د ونصل لنقاط مشتركة نسميها أجندتنا ونضع خطة ونعمل على تحقيقا. وتأكدوا حنصل لو بدينا لانو مشوار الميل ببدأ بخطوة. بلدنا اليوم بتمر بمفترق طرق ونحن قاعدين بنعاين، ونحنا على مستوانا الشخصي نعاني من مشاكل كتيييييييييييرة أوًلا البطالة والفقر واللي بخلوا مستقبلنا مظلم. تعالوا نفكر مع بعض في المخرج ونطلع من دور المشاهد لدور البفعل وبأثر في الأحداث. دي البداية ونحن مع بعض أكيد مشوارنا بيقصر

المشاركة هي الاهتمام

Leave a reply

لن يتم نشر عنوان بريدك الإلكتروني. الحقول الإلزامية مشار إليها بـ *

NEWSLETTER SIGN-UP

Praesent diam massa, interdum quis ex id.